Ab kay hum bichRaiN toe sha-yad kabhee khawaboN maiN miliaN
Jis tarha sookhay huay phool, kitaboN maiN milaiN
Dhoond ujRay huay logoN maiN wafa kay moti
Ye khazanaiN tujhay mumkin ha kharaboN maiN milaiN
Ghum-e-dunya bhee ghum-e-yaar maiN shamil kar lo
Nasha baRhta hay sharabaiN joe sharaboN maiN milaiN
Too Khuda hay, na mera ishq farishtoN jaisa
DonoN insaaN haiN to kyuN itnay hijaboN maiN milaiN
Aaj hum dar ye khainchay ga’ay jin batoN par
Kul wo mumkin ha tumain apnay nisaaboN maiN milaiN
Ab na voh main hoon, na voh too hay, na voh mAzee hay “Faraz”
Jaisay doe shakhs tamnna kay saraboN maiN milaiN
No comments:
Post a Comment